ໃນຕອນເຊົ້າວັນທີ 16 / 10 / 2020 ທີ່​ຜ່ານ​ມາ​ທີ່​ຫ້ອງ​ປະ​ຊຸຸມພະແນກ ພຊສ ແຂວງ​ວຽງ​ຈັນ,ໄດ້ຈັດກອງປະຊຸມເຜີຍແຜ່ເອກະສານສຳຄັນຂອງພັກຂອງຊາດໂດຍການເປັນປະທານຂອງທ່ານສຸກັນວິໄ​ລຣັດ ກຳມະການພັກແຂວງ,ເລຂາຄະນະພັກຮາກຖານ ຫົວໜ້າ ພຊສ ແຂວງວຽງຈັນ ​​ມີຄະ​ນະ​ພະ​ແນກ,ບັນດາຫົວໜ້າຂະແໜງ, ຮອງຂະ​ແໜງ ແລະ ພະນັກງານ - ລັດ​ຖະ​ກອນ​ພາຍໃນ ພຊສ ແຂວງເຂົ້າຮ່ວມຢ່າງ​ພ້ອມ​ພຽງ.

     ໃນ​ຕອນ​ບ່າຍ​ຂອງວັນ​ທີ 8 ຕຸ​ລາ 2020 ທີ່​ຜ່ານມາຢູ່​ທີ່​ຫ້ອງ​ປະ​ຊຸມ​ຂອງ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງວຽງ​ຈັນ, ໄດ້​ຈັດ​ກອງ​ປະ​ຊຸມ​ປະ​ສານ​ງານ ປະ​ຈຳ​ໄຕ​ມາດ​ທີ III ຂອງ​ໂຄງ​ການ​ຍ່ອຍ ຄ​ສ​ລ2-ພ​ຊ​ສ ແຂວງວຽງ​ຈັນ ໂດຍ​ການ​ເປັນ​ປະ​ທານ​ຂອງ​ທ່ານ ບົວ​ພັນ ສີ​ວົງ​ໄຊ ຮອງ​ຫົວ​ໜ້າ​ພະ​ແນກ ພ​ຊ​ສ ແຂວງວຽງ​ຈັນ, ເຊິ່ງ​ມີ​ຈຳ​ນວນ​ຜູ້​ເຂົ້າ​ຮ່ວມ 28 ທ່ານ ຈາກ​ກະ​ຊວງ, ແຂວງ, ຜູ້​ປະ​ສານ​ງານ​ຈາກ​ພະ​ແນກ​ການ​ຕະ​ຫລອດ​ຮອດ​ພາກ​ສ່ວນ​ບໍ​ລິ​ສັດ​ທີ່​ປຶກ​ສາ ແລະ ບໍ​ລິ​ສັດ​ຮັບ​ເໝົາ​ໂຄງ​ການ​ເຂົ້າ​ຮ່ວມ.

     ໃນ​ຕອນ​ເຊົ້າ​ຂອງວັນ​ທີ 16/06/2020 ທີ່​ຜ່ານ​ມາ​ໄດ້​ມີ​ກອງ​ປະ​ຊຸມ​ເປີດ​ຝຶກ​ອົບ​ຮົມ​ກ່ຽວ​ກັບ​ການ​ສະ​ແກນ​ແຜນ​ທີ່​ຕາ​ດິນ, ການ​ດັດ​ແປງ​ແຜນ​ທີ່, ການ​ແຕ້ມ​ແຜນ​ທີ່​ຄືນ​ໃໜ່ ແລະ ມາດ​ຕະ​ຖານ​ການ​ເກັບ​ຮັກ​ສາ​ແຜນ​ທີ່​ຕາ​ດິນ​ ໃນ​ລະ​ບົບ​ຄອມ​ພີວ​ເຕີ, ​ຢູ່​ທີ່ຫ້ອງ​ປະ​ຊຸມ ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ​ ສິ່ງ​ແວດ​ລ້ອມແຂວງວຽງ​ຈັນ, ໃຫ້​ກຽດ​ເປັນ​ປະ​ທານ​ຂອງ ທ່ານ ກອງ​ຄຳ ອີນ​ໄພ​ຍະ​ລາດ ກຳ​ມະ​ການ​ພັກ​ແຂວງ, ຫົວ​ໜ້າ​ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມແຂວງວຽງ​ຈັນ, ມີ​ບັນ​ດາ​ຄະ​ນະ​ຄູ​ຝຶກ​ມາ​ຈາກ​ກົມ​ທີ່​ດິນ, ມີ​ພະ​ນັກ​ງານ​ວິ​ຊາ​ການ​ຂະ​ແໜງ​ທີ່​ດິນ ແລະ ຂະ​ແໜງ​ທີ່​ກ່ຽວ​ຂ້ອງ​ເຂົ້າ​ຮ່ວມ​ຢ່າງ​ພ້ອມ​ພຽງ.

      ໃນວັນ​ທີ 10/06/2020 ​ເວ​ລາ 02:00 ໂມງ ​ທີ່ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ​ແລະ ​ສິ່ງ​ແວດ​ລ້ອມ​ແຂວງ ວຽງ​ຈັນ ໄດ້​ຈັດ​ງານສະ​ເຫຼີມ​ສະຫຼອງ​ວັນ​ເດັກ​ນ້ອຍ​ສາ​ກົນ ພິ​ທີ​ດັ່ງ​ກ່າວ​ໄດ້​ຈັດ​ຂຶ້ນ​ຢູ່​ທີ​ຫ້ອງ​ປະ​ຊຸມ​ຂອງ​ພະ​ແນກ​ ​ໂດຍການ​ເຂົ້າ​ຮ່ວ​ມ​ຂອງ ທ່ານ ກອງຄຳ ອິນ​ໄພ​ຍະ​ລາດ ກຳ​ມະ​ການ​ພັກ​ແຂວງ ຫົວ​ໜ້າ​ພະ​ແນກຊັບ​ພະ​ຍາ​ກອນ​ທຳ​ມະ​ຊາດ ​ແລະ ​ສິ່ງ​ແວດ​ລ້ອມ​ແຂວງວຽງ​ຈັນ, ມີບັນ​ດາ​ຫົວ​ໜ້າ​ຂະ​ແໜງ, ​ພະ​ນັກ​ງານ​ພາຍ​ໃນ​ພະ​ແນກ ແລະ ຫຼານ​ນ້ອຍ​ຈຳ​ນວນ​ໜຶ່ງເຂົ້າ​ຮ່ວມ​ຢ່າງ​ເປັນ​ຂະ​ບວນ​ຟົດ​ຟື້ນ.

    ໃນ​ຕອນ​ເຊົ້າ​ຂອງວັນ​ທີ 10 ມິ​ຖຸ​ນາ 2020 , ເວ​ລາ 5:30 ໂມງ ທີ່ ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງວຽງຈັນ ໄດ້​ຈັດ​ພິ​ທີ​ສະ​ເຫຼີມ​ສະ​ຫຼອງວັນ​ສິ່ງ​ແວດ​ລ້ອມ​ແຫ່ງ​ຊາດ ແລະ ວັນ​ສິ່​ງແວດ​ລ້ອມ​ໂລກ​ຂື້ນ​​ໂດຍ​ ​​ເຂົ້າ​ຮ່ວມ​ຂອງ​ທ່ານ ນາງ ສິ່ງ​ຄຳ ຄົງ​ສະ​ຫວັນ ຄະ​ນະ​ປະ​ຈຳ​ພັກ​ແຂວງ,ຮອງ​ເຈົ້າ​ແຂວງໆ​ວຽງ​ຈັນ ມີ​ບັນ​ດາ​ການ​ນຳຂອງ​ແຂວງ, ຫົວ​ໜ້າພະ​ແນກ​ການ, ​ອົງ​ການ, ກົມ​ກອງ ພ້ອມ​ດ້ວຍ​ບັນ​ດາ​ພະ​ນັກ​ງານ​ຫຼັກ​ແຫຼ່ງພາຍ​ໃນ​ແຂວງ​ເຂົ້າ​ຮ່ວມ​ລວມ​ທັງ​ໝົດ 128 ທ່ານ, ຍິງ 42 ທ່ານ.

Subcategories